Argia astekaria webgunearen hasiera
- Azken Eguneraketa:
- 2008-07-23 16:45:52
2080.zenbakia
122. zenb.
(ARGIAko 2077. zenbakiarekin batera banatua)
2007-03-18 -- 2080.zenb
Dani Blanco
Urnietan zen hasieran ta,
Arizetara hurrena
Landarbasora eraman gero
Zubietara azkena (?)
Gipuzkoa Hiria?
Ez, gaitz sirimiria
hondakinetan barrena
zer komon klase jarri bakarrik
ote da gure problema?
Ez noski baina, hori ere bai
ta sudur puntan duguna
lehendik ere Gipuzkoan dena
ez baita larros lurruna
San Markos edo Lapatx
ingurua zabor hats
inzineradora suma
ta proiektua bera da orain
kiratsa botatzen duna.
Hiri zaborren tratamentua
bada arazo itzela
alternatibak aurkeztu baina,
onartu ez badaudela
erre egin behar erre
ezin beste ezerre
ezin dela, ezin dela
aberasteko beste modurik
ez baleukate bezela.
Organikoa ongarri egin
ta konpostajea labe
begiratu nahi duenarentzat
adibideak badaude
ta Gipuzkoan bertan
politikaren bueltan
ikusi berriak gaude
nola erre ta desegin leiken
erraustegirikan gabe.
Zaborrei beste tratamentua
emateko ahalegina
aldika gogor, hurrena damu
ardurei uko egina.
Erakundeei kaña
kulpak besteri bana
geuk sortzen dugu zikina
ta politikan ere batzutan
ez da oso desberdina.
Hiri hondakinak ez erretzea
ez da aterako merke
legeak asko lezakeenik
sinestea bera neke.
Hauteskundeetan zer
aldatuko al du ezer
kalea ere trabaz bete...
Baina denetan indarra eginda
buelta etorri liteke.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa