Argia astekaria webgunearen hasiera

• Denda
• Harpidetza egin
• Publizitatea
• Kontaktua
• Gunea

Kauta ::Biluzik

Oihuka

iraupena ::38'02''

prezioa ::14.45€

K belaunaldiaren ordezkari bizienetakoak

Bitxia da Euskal Herrian azken hamarkada honetan K letrarekin hasten diren musika taldeen izen kopuru handia. Ez hori bakarrik; baita horietako batzuk izan duten arraKasta ere. Azken multzo horretako bat da Andoaingo hirukote hau. Sorreran laukote gisa hasi ziren arren, bidean kide bat galdu zuten. Hala ere, tinko egin dute aurrera eta hala jarraitzen dute, zuzenekoak formaziora egokituz. Bigarren disko honetan metal indartsuan dute hanka bat, baina beste soinu askotara ere zabalik daude: hardcore melodikora, rockera, pop-rockera… Hala ere, ahotsak ukitu melodiko handia dauka kantu gehienetan, eta hori nabarmendu egiten da, intentsitate berezia lortuz. Ahots horrek berak gaur egungo hainbat egoera, injustuak batzuk, azalean gelditu gabe deskribatu, eta horri buelta ematen saiatzen da modu ahalik eta argienean.