Patxi Salaberri euskaltzainak Veleiako aurkikuntzari buruz Berrian esanak: “Esaten dute garbi baino garbiago dagoela idazkunak, eta zeramika zatiak, garai hartakoak direla. Orduan, zer egin dezakegu filologoek? Fidatu. Arazoa da hasieran atera zirenak baino askoz ere gehiago daudela. Eta oso gauza arraroak ikusten direla (...) Agertzen dira garai hartan agertu behar ez luketen gauzak. Guk dakigunaren arabera, beti ere. Beste gauza bat da esatea: dakiguna egokitu behar dugu hemen agertu denaren arabera (...) Arazoa da Veleiakoak daudela, baina baita Akitaniakoak eta Lergakoak ere. Eta horiek ez dira bat heldu, hizkuntzaren aldetik. Lergakoan aspirazioa agertzen da, umme sahar, Akitanian ere bai. Eta badakigu aspirazioa, Nafarroan, Araban baino askoz lehenago galdu zela, eta Veleiako horietan aspiraziorik ez dago. (...) Ni hor nago. Alde batetik, sinetsi nahi diet, baina gero... ikusten dut pixka bat kontraesana. Garai haietarako euskararen inguruan dakigunaren eta orain agertu denaren arteko tarte handiegia dago”.