Liburuak 

Ipuinak, familiak solas egin dezan

Desclée argitaletxeak kaleratutako Solas Egiteko ipuinak saileko liburuen helburua 5 urtetik gorako seme-alabak dituzten familiei Umeen Eskubideei buruzko Konbentzioa hurbiltzea da. Oso familia normala deritzan kontakizunean, Josu eta Mikel mutikoen eta bere gurasoen elkarbizitzaren berri ematen da. Familian ez dio inork etxeko lanei muzin egiten. Aitak denentzako gosaria prestatzen du, eta amak bazkaria; edo alderantziz. Eta mutiko biek harrikoa egiten dute, alditan batek, alditan besteak. Etxe hartan nork bere ohea atontzen du, arropa zikinak jaso eta logela txukundu. Eta norbaiti betebeharra ahazten bazaio, ondo asko daki isun bat ordaindu beharko duela. Normala da. Horregatik gelditzen dira harri eta zur Sandra lagunak harenean etxeko lan guztiak bere amak egiten dituela aitortzen dienean

Iruzkina idatzi

		2078   2077
2079 zenbakia. 2007ko martxoaren 11a Azkena || Hemeroteka

Ale berean...