Argia astekaria webgunearen hasiera
- Azken Eguneraketa:
- 2008-07-02 15:11:57
2079.zenbakia
122. zenb.
(ARGIAko 2077. zenbakiarekin batera banatua)
2007-03-11 -- 2079.zenb
Hasier Etxeberria ::Iturrino Handia
Susa
orrialdeak ::126
prezioa ::13€
Hasier Etxeberriaren azken nobelako protagonistak eta eskatutako edari guztia ordaintzearen truk isil-isilik protagonistak kontatzen dizkionak entzuten dituen kazetari batek hiri inguruko auzo bateko Villanubla tabernan ezagutzen dute elkar. Nobelako kontalari bakarra da Cosme Iturrino, Iturrino Handia eta magilaria dugu, pertsona bat hiru zatitan egiten duen kaxaren asmatzailea. Amarrua eta trepetarena baizik ez omen zen Cosme Iturrinok gobernatzen zuen lurraldearen legea. Behintzat halaxe dio gizonak bere ibilerak aletzen dituenean. Asko du azaltzeko 36ko gerra hasi zen egunean, mugako marran jaiotzea egokitu zitzaion horrek. Baina Diccinoren zirkuan Anne eta Belle bi burudun emakumearekin bizitako une zoriontsuak gogoratzea gogoko badu, ez da hala gertatzen munstro itxuragabeak ikusgai zituen zirku hura itxi izanaren arrazoiak, eta are gutxiago Anne eta Bellek hartu zuten erabaki lazgarria oroitzerakoan. Nolanahi ere, aurrera egingo du, Frantziako trenetan txartel-zulatzaile gisa hasi eta Orson Welles, haren emazte Oja, John Huston eta beste asko ezagutzeko parada eta haiekin egindako filma agertuz; edota Josetxo tabernariarekin lotzen duena aitortuz.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa