Yves Matxikote EHEko kideak Euskaltzalen esana: "Frantses estatua maltzurra da biziki. Euskararen Erakunde Publikoa sortuz, euskaltzaleak eta euskalgintza ilusionatu nahi ditu, hizkuntza Kontseiluarekin egin nahi izan zuen bezala. Horrekin batera, euskalgintzari herritarrekiko konplexuak sartu nahi dizkio, estatuak urratsak ematen omen baititu eta euskalgintzak hori kritikatzea, beti kexaka ibiltzea ‘gaizki ikusia’ litzatekeelako. Hori egiten duen bitartean, Parisen daraman diskurtsoak eta erakusten duen jarrerak, bere ekinbidea zein den erakusten digu: denbora irabazi hizkuntzen inguruko eztabaida horiek behingoz bukatzeko, hizkuntza guzi horiek (hizkuntza gutxituak) desagerrarazteko".