Argia astekaria webgunearen hasiera
- Azken Eguneraketa:
- 2008-07-23 16:45:52
2079.zenbakia
122. zenb.
(ARGIAko 2077. zenbakiarekin batera banatua)
2007-03-11 -- 2079.zenb
Iņigo Azkona
Martxoaren hamaika zen,
Madrilen, goiza hain zuzen:
trenak berriz hasi ziren
zerura kea botatzen.
Ke seinaleak laster batean
hasi ziren desagertzen,
kasu honetan, ordea, sua
kea joanda piztu zen.
Kearen ondoko suak
enbor asko erre ditu,
aldiz, inor ere ez da
hotz-hotzean errenditu.
Ordutik suak ez du tokatu
ohi zaion lana kunplitu:
jendea aise berotu arren,
ez du askorik argitu.
Orain auzitegietan
dabiltza dena juzgatzen,
nahiz eta Madrilen denak
jardun juizioa galtzen.
Sumarioak azaldu arren
han gertatu zena zuzen,
ni "sumario" izena duen
ezertaz ez naiz fidatzen.
Zergatik sarraski hura?
Nor da halako krudela?
ETA edo ALA, zein da
hau lotzeko erregela?
Nahiz jakin bonbak jarritakoak
islamiarrak direla,
seguru odol "RH"a
negatiboa dutela.
Zenbat ama, aita, andre,
senar, neskato, mutiko…
euren lagunen defentsan
ibili direnak tinko!
Eguneroko bizimoduan
ez dute erraz segiko,
baina biktima diren artean
zauria ez da itxiko.
Nork kontatuko du behingoz
zer gertatu zen benetan?
Oraindik galdera asko
dago erantzun zorretan.
Hura jazo zen orain lau urte,
hauteskundeen bueltan
eta egia jakingo dugu
hurrengo hauteskundeetan.
Erantzunik ez dago.
Izartxoaz (*) markaturiko datuak derrigorrez bete beharrekoak dira.
© Sareko Argia
Lege Oharra
RSS sindikazioa