Argia astekaria webgunearen hasiera

Bertso berriak

Nerea Elustondo

• harpidetu
• Inprimatu|
• PDF|
• erantzun|
• zabaldura bidali|
• Lagun bati bidali|

I

Gure bizimodua
beti antzekoa,
auzoko begirada
askoren zepoa;
Iritsi da garaia
liberatzekoa...
Mozorroa janzteko...
Edo kentzekoa.

II

Zenbaitek ospatzen du
asaben antzera,
bestek modernismotik
daukate sobera.
Zein herritara joaten
garen arabera,
zein ezberdin ospatu
litekeen jai bera!

III

Oharkabean data
heldu ta... sorpresa!
Jantzi on bat lortzeko
beharra ta presa.
Dela pereza edo
irudimen eza....
Zein mozorro hautatu?
Ez da lan erreza.

IV

Klasikotzat: Cow-boyak
indiarren aurka,
Pipi Kaltzaluze ta
mexikarrak, aupa!
Punkya, martiztarra
edo astronauta...
gure irudimenak
mugarik ez dauka!

V

Klasikotan klasiko
ranking-ean lehen,
karmin mordoa eta
bi puxika lerden.
Galdera da zergatik
mutilen bi heren,
Ema...ez dakit zertaz
mozorrotzen diren.

VI

Dirutza gastatuz nahiz
bota gabe sosik,
lau trapu zahar hartuta
edo ta biluzik;
zer da ba mozorroa,
prenda bat ez ezik
festara irteteko
aitzakia baizik.

• harpidetu
• Inprimatu|
• PDF|
• erantzun|
• zabaldura bidali|
• Lagun bati bidali|

Erantzunak

Erantzunik ez dago.

Izartxoaz (*) markaturiko datuak derrigorrez bete beharrekoak dira.

Albiste honi erantzun

Albiste honi erantzun

Izena*:

e-posta*:

Idatzi nahi duzuna

 

Idatzi segurtasun kodea:

© Sareko Argia

Helbidea:

Industrialdea, 15 · 20160 Lasarte-Oria (Gipuzkoa)

· Tlf:

943 371 545

/ Faxa:

943 373 403

Lege Oharra

RSS sindikazioa