Argia astekaria webgunearen hasiera

Elisabeth Pombo

1997ko azaroaren amaiera zen eta Argia astekariko edukiak Internet zeritzon asmakizun horretara igo ziren. 10 urte baino ez dira igaro harrezkero, baina euskal prentsaren dekanoak erronka berriei egin behar izan die aurre, zituen eduki gehienak sarean jarriz lehendabizi eta kazetaritza molde berrietara egokituz ondoren. Hala, otsailaren 23an estreinatuko den Argia astekariaren on-line bertsioak multimedia elementuak txertatuko ditu eta 2.0 izango da. Hau da, askoz ere parte hartzaileagoa.

Urko Apaolaza

Nafarroan, Erronkariko bailararen bihotzean bada Burgi izeneko herri bat. Han bizi izan zen, duela hainbat mende, arraza “madarikatu” bat: agoteak. Burgiko sarrailagilearen bizitza ez da bazterturiko agote baten inguruko ipuina. Artxiboetan eta liburu espezializatuetan jasotako historia erreala da. Johan Acos izeneko hezur haragizko gizaseme batek bere herriko elizan eserleku duina izateko egin zuen borrokaren kontakizuna.