Argia astekaria webgunearen hasiera

Joan Fuster (1922-1992) idazleak hizkuntzalaritza, historia, turismoa eta filosofia landu zituen, besteak beste, bere obretan. Baina 1962an Nosaltres els valencians lana kaleratzeagatik egin zen ezagun. Liburua funtsezko- da Valentziako historia, kultura eta identitate nazionalaren arazoak ezagutzeko. Fuster nazionalismo valentziar garaikidearen aita bilakatu zen, eta bere obra Herrialde Katalanen definizioan giltzarria da.



60ko hamarkadan Valentziako gizarte inmobilista astindu zuen. 1963ko falletan bera irudikatzen zuen ninot bat erre zuten. Erasoen hasiera baino ez zen izan hura. Hainbat atentatu jasan zituen bizirik zela eta 1997an bere hilobia profanatu zuten. Baina gutxiengo batek, aurkako giroari muzin eginez, hark irekitako bideari jarraipena ematea erabaki zuen.