Argia astekaria webgunearen hasiera

Erriberrin dagoen Nafarroako errege-erreginen jauregia Europako aberatsenetakoa izan zen. Karlos III.a «Noblea» eta haren emazte Leonor Trastamara bizi izan ziren bertan. Berunezko hodi sistema baten bidez ur-korrontea zuen jauregiak; zoologiko txiki bat ere bazuen (jirafak, lehoiak, hegazti exotikoak...). Erreginarentzako lorategi esekia, txori kaiola erraldoia, azuleju eta kare finez dekoraturiko logelak, beirate polikromatuak... 500 urte omen dituen masustondo bat ere badago jauregiko patio batean. Fantasiazko gaztelu bat, alegia.