Argia astekaria webgunearen hasiera

Jose Luis Sampedroren esanetan, nobleei odol urdina egotzi izanari azalpen bi eman izan zaizkio. Batetik, esaten da Frantziako erregeen armarrietan urdina zela gehien agertzen zen kolorea, eta hortik datorrela kontua. «Beste azalpen batek dio -eta niretzat sinesgarriagoa da, bitxiagoa izanagatik- nekazariek-eta, baratzean lan egitearen ondorioz, zailduagoa zeukatela azala, eta zainak ez zitzaizkiela igartzen. Nobleak, aldiz, ez ziren landan aritzen; aitzitik, ondo babestuta egoten ziren euren jauregi eta gazteluetan, eta beraz ederto atzematen zitzaien zainetako odol urdina azal meharragoaren azpian». Itxuraz, Europako erdialdetik datoz kontuok, hango jendeak azal zurbilagoa izaten baitu.