Argia astekaria webgunearen hasiera

Lehen kontzerturako izena asmatu ezinean genbiltzala, hori jarri genuen. Gurekin bat dator, musikaz gain taldeko beste gauzak egiterakoan beti ezinean ibiltzen garelako.

Kantu edo melodia bakoitzak sentsazio bat ematen dizu, eta sentsazio hori etortzen den bezala jarri behar da kantuan. Ez dauka zentzurik 40 segundokoa irten zaizun kantu bat luzatzeak, ustez, kantu hobe bat egiteko.

Galdera zaila da erantzuteko. Gustu kontua da. Alde batetik, hizkuntza bakoitzak bere fonetika du, baina egia da ohituta gaudela hardcore melodikoa ia beti ingelesez entzutera, eta horrenbestez hasieran errazagoa egiten dela hala entzutea. Baina jende askok euskaraz abesturiko HC melodikoa ondo hartzen du.

Bai. Beste gauza guztiak ahaztu gabe, melodia on bat da kantu bat aparteko egiten duena. Erritmoak adibidez, nahiko egonkortuta daude. Baina ahotsaren eta gitarren melodiak oso askeak dira. Kantu bat sortzerakoan lehenik ahotsa asmatzen dugu. Ahotsak konbentzitzen bagaitu kantua osatzeari ekiten diogu, eta ahotsak zerbait berezia ez badu, bertan behera uzten dugu kantua.

Ez diegu etiketei jaramon handirik egiten, baina baliteke antzeko kontzeptua izatea. Gainera absurdoa da musika estiloak ideologia konkretuekin lotzea. Aipatutako bi estiloen arteko desberdintasun nagusia erritmoaren abiadura da.

Oso ona. Udalak utzitako lokal mordoxka dago. Plan serioagoan edo lasaiagoan, edo estilo batean edo bestean, talde mordoa dago. Azpeitian taldeen aldetik ez dago aitzakiarik.

90eko hamarkadako gorakadaren ostean gaur egun oso gutxi dira Euskal Herrian hardcore melodikoa edo punk-popa egiten duten taldeak. Azpeitiako laukote honek (batez ere) AEBetako taldeak entzuten ditu, eta horiek bezala erritmo azkarrez, gitarra doinu nabarmenez eta ahotsak borobiltzen dituen melodia itsaskorrez jositako kantuak idatzi ditu. Honako hau beraien estreinako lana da, eta aipatutako estiloari fidelak diren hamalau kantu grabatu dituzte. Ez dute lotsarik pop-rock pieza ederrak idazteko, ezta azeleragailua zapaldu eta horiei abiadura eta erritmo berezia emateko ere. Hainbat taldek, Ezineanek barne, salaketak egiteko baliatzen dituzte kantuak, baina hauek hitz landuak idatzi eta horiekin, inguratzen gaituzten arazo askori buelta eman eta iluntasunean baikortasuna erakusteko gai izan dira.