Bertso berriak... Patroi karratuei jarriak
Nerea Elustondo
I
Ia guriak egin du,
badegu zeinek agindu;
lurrarekin berdindu
arte beti berdin gu,
inposaturiko patroi
karratu batzuen morroi.
II
Ikasi orduko oinez,
agenda daukagu gainez:
solfeo, dantza, ingles
dibujo, zergatik ez?
lagungarriak biharko...
Curriculumetarako!
III
Eskolatik irteera
da unibertsitatera
zientzitako karrera,
bestela FPra;
nahiz ta ez konbentzitu gu...
lan mundua da helburu.
IV
Nahiz izan mila titulu,
lan mundurako makulu...
soldatetan kalkulu
duinak mirakulu...
ta etxebizitzak garesti!
Alokairurik? Ez, noski!
V
Lanean ari bagara,
eta etxe bila jada;
bikotea behar da,
«heteroa» al bada,
ez gustura bizitzeko...
hipoteka ordaintzeko!
VI
Ez da gauza «normalena»
baina gurean barrena
taldetxo nabarmena
dago, bizi ez dena
inposaturiko patroi
karratu batzuen morroi.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa