Argia astekaria webgunearen hasiera

Zergatik gutxiesten duzue taberna? Ez al zarete konturatzen? Non elkartu behar du jendeak ostatuan ez bada? Nork sinesten du etxeak eginez eraikitzen direla herriak? Zer da tabernarik gabeko herri bat? Hormigoia gosaltzen al duzue? Zementuzko malkoak al dira zuenak? Normala iruditzen al zaizue txikito bat hartzeko ondoko herrira autoz joan beharra? Ez al zarete ohartzen ezinbestekoak direlako miatzen dituztela? Ez al duzue mozkortu nahi? Noiz utziko diozue ekimen pribatu oro negozio hutsa dela pentsatzeari? Non ikusiko duzue igande arratsaldeko partida? Lanetik bueltan, nork emango dizue egunaren berri? Ez al duzue entzuten ikasi nahi? Ez ote daukazue lagunei adarra jotzeko asmorik? Mediku kontsultak nahiago dituzuela? Museoak? Kartzelak? Ez al zaizkizue pintxoak gustatzen?

Galdera horiek eta gehiago egingo nizkieke tabernarik -euren menpekoek ez dute balio- gabeko herriak diseinatzen ari direnei. Baina ez da euren eskumenekoa. Eta doan emandako bosteko batengatik...