Argia astekaria webgunearen hasiera

Imanol Ubedak Entzunen: «Iruditzen zait gaur egun behin eta berriro errepikatzen garela hitzetan. Musikalki oso lan interesgarriak daude, baina, niretzat kantu bat ez da musika bakarrik. Nahiz eta oso doinu politak izan, kantu askok ez dutela ezer esaten iruditzen zait».

Jon Irazabal Durangoko Azokako zuzendariaren hitzak jaso ditu Berriak: «Salmentak dira argitaletxe eta diskoetxeen kezka. Urte hasieran egin genuen bileran urduri zeuden, pasa den urtea ez zelako ona izan sektorearentzat. Eta azokak beheranzko joera hartuko zuen beldur ziren. Hala ere, beraiek ere ez daukate argi merkatua zein den. Hau da, beharbada, azken urteetako merkatua ez zen erreala, eta gaur egun dagoena da euskalgintzak eta liburugintzak duten benetako merkatua».

Asier Uriagerekak Deian esanak: «Dantzaria uneoro ari da bere buruaren aurka borrokan, fisikoki eta emozionalki. Etengabe hazten joatea eskatzen du. Gainera, publikoarekin komunikatzen eta hura emozionatzen jakin behar da».