Argia astekaria webgunearen hasiera

Yasmina Rezak (Paris, 1954) idazle izan aurretik aktore lanetan jardun zuen Frantzian, Pariseko Jaques Lecoq antzerki eskolan ikasi ondoren. Baina idazketak ekarri zion nazioartean errekonozimendua. Berak idatzitako antzezlanen artean dira: Conversation aprés un enterrement, L'Homme du hasard, La Traverseé de I'hiver eta Art ezaguna. Azken honek egin zuen famatu idazlea 1994an. «Lauzpabost urte behar izan nituen Arten arrakastatik askatzeko. Ez nuen lortzen lan horretatik ihes egitea», aitortu du behin baino gehiagotan.



1999an argitaratu zuen Rezak bere lehen nobela: Une désolation, Frantzian 90.000 aletik gora saldu dituen lana. Igela argitaletxeak aurten plazaratu du Xabier Iabenek euskaratutako nobela, Desolamendua tituluarekin.