Kirolaz Badakit: Ez geratu bankiloan
Estitxu Eizagirre
Kirolari buruzko galderekin euskaraz jolasteko prest? Hemen da ARGIAk egindako Kirolaz Badakit galdera-sorta eta CD-ROMa. Betiko Badakit-en taula erabilita, presta zaitez taldean edo bakarka kiroltasunez lehiatzeko
Benjaminetatik (7 urtez gorakoetatik) praktikatu daiteke Kirolaz Badakit jolasa. Memoria, logika, hizkuntza eta sena dira lantzen dituen giharreak, eta aldagelako giroa indartzeko primerakoa da. Amets Arzallusek egindako 1.500 galdera hauekin, kirolaren -futbolaz haragoko bere zentzurik zabalenean- gaineko jakintza orokorrarekin eta bitxikeriekin gozatuko dute partaideek.
Trebeenen «mamoneoa» hautsi eta denen partehartzea bultzatzeko, galdera bakoitzeko hiru erantzun ematen dira aukeran. Asko jakin edo zorte handia izatea dira, beraz, garaipenerako bi estrategiak.
Joko zelaia: Mahai-ingurua edo ordenagailua
Jadanik betiko Badakit etxean dutenek galdera sorta honekin bazkalostetako jokoa berritu ahal izango dute. Baina Kirolaz Badakit kit-ak, CD ROMa ere badakar, makinei desafioa botatzen ausartzen direnentzat. Ordenagailu guztientzat (bai PC eta baita Macintosh motakoentzat ere) da egokia.
20 euro da Kirolaz Badakit-en prezioa, baina ARGIAko harpidedunek 17 euroan jasoko dute.Erosteko, deitu 943371545 zenbakira edo idatzi:
denda@argia.com helbide elektronikora.
www.argia.com/denda gunean eta ohiko salmenta tokietan ere aurki eskura izango duzu.
Jaurti dadoa, eta onenak irabaz dezala!
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa 