Bertso berriak... Ezbeharrei jarriak
Xebastian Lizaso
I
Urte osoa pasa
oporrei begira
jaioterritik urrun
antolatu bira.
Baina hainbat ezbehar
gertatzen ari da
itzuli gabe zenbat
itzuliko dira?
II
Bidaian hasieran
hainbat poz ta zori
nabaritzen zaiona
asko ta askori.
Baina poza penaren
zulora erori
betirako denean
«Geroarte» hori.
III
Errepideak ditu
milaka aitzaki
hegazkinari hegan
ahaztu izaki,
trenak bere bidetik
joaten ez daki
milaka zauritu ta
hildako galanki.
IV
Hegazkina azkarra
bere abantaila,
trenak lortzear omen
hegazkinan maila,
autoaren «zaldiak»
domatzea zaila
presakaegi gabiltz
heriotzan bila.
V
Aurreratuagatik
gero ta gehiago,
betirako bizia
nahi baina, akabo.
«Biziak bizia zor»
zioten lehenago
lege honen ordezko
legerik ez dago.
VI
Korapilo hontatik
zaila da askatzen
ezbeharrek guztiok
gaituzte kezkatzen.
Jarraitu nahi dut lana
oporrez puskatzen
bizitzari ez diot
oporrik eskatzen.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa