Argia astekaria webgunearen hasiera

Gizakiarentzat funtsezkoa izan da bere bizitzan eta bere biziraupenerako sua. Sua bere laguna izatea, bere kidea, bizikidetza bat lortu arte. Historian zehar gizakiak suari egin dizkio bere aitormenak. Esate baterako zinean, Jean-Jacques Annaud-ek bere Suaren bilan. Ezin hobeki islatzen da pelikula horretan gizakiaren mirespena eta kultua suari, suaren jabetza boterearekin erlazionatuz. Bestalde ezin utzi aipatu gabe Heraklito filosofo zaharraren ekarpena errealitatea azaltzerakoan. Errealitatearen zerizana suan kokatzen zuen filosofoak. Suak ematen dio errealitateari bere funtsa. Sua da, nolabait, errealitatearen batasuna. Azken finean, sua litzateke errealitatearen logosa, arrazoia. Baina gaur egungo errealitatean, ikusita suaren inguruan gertatzen direnak, ez datoz bat orain arte hemen esaten ari garenarekin. Sua guztiz kaltegarria da gure bizitzan, ikusi besterik ez dago ze motako harremana sortzen den suaren inguruan. Galdetu bestela Galizia aldean. Ez dugu etxetik hain urrun joan behar. Sukaldeko etxean sua itzali nahian gabiltza, eta beldurra daukagu berpiztuko ez ote den.