Taldea gure bizitza da. Deitzen diguten eta kontzertuak ematen jarraitzen dugun bitartean aurrera egingo dugu. Belaunaldi berriekin ere hartu-eman handia daukagu, eta hori oso garrantzitsua da. Etengabe gauza berriak egiten ditugunez ez gara aspertzen. Egia esanda, taldea uzten dugun egunean oso gogorra egingo zaigu.

Oraindik azkarregi da balorazioa egiteko. Gu gara produktuaren jabe, guk kontrolatzen dugu eta jendearekin harreman zuzenagoa daukagu, baina lan oso handia da. Kontratazioaren ardura ere guk hartu dugu. Aspalditik genuen gogoa proba egiteko. Zelakoa zen jakin gura genuen, eta ez genuen zalantza horrekin gelditu gura.

Ez, Guantanamorena diseinatzailearen interpretazioa izan da. Jainko Hilak agintariak dira, eta uhartea herria da. Herri xumea agintarien pean dago.

Disko kañero eta gogorra da eta egungo metaletik gertu ikusten dut. Baina, badago abesti heavyagorik. Bestalde, heavyak guretzat garrantzia handia izan du beti, eta gure kantuetan beti dago horren arrastoren bat.

Orain dela 2 urte bururatu zitzaigun. Institutuko sasoian Hertzainak taldekoek emanaldi bat egin zuten eta asko gustatu zitzaigun. Taldeko hiru lagun ikastetxeetarako emanaldi akustikoak prestatzen hasi ginen: Su Ta Gar-en kantuak, eta Benito Lertxundi eta Hertzainak taldearen bertsioak. Horren ostean, ikasleen galderak erantzuten ditugu. Gazteak asko motibatzen ditu, euskara eta musika bultzatzeko balio du, eta gu gertutik ezagutzen gaituzte, aurreiritziak apurtuz.

Euskarazko heavyaren aitzindari den Eibarko laukoteak 20 urte beteko ditu 2007an. Urteen zamak on egin die, eta taldearekin lotutako zeregin guztiak musikariek beraiek hartu berri dituzte. Disko hau taldeak kaleratu du eta kontratazioaren ardura bereganatu dute. Taldearen ikur den heavya oso presente dago, baina doinu gogorragoetara ere hurbildu dira, gitarra eta oinarri erritmikoarekin benetako thrash-metala errebindikatuz eta gaur egungo metala ere indartsu zapalduz. Orain arte kaleratu duten emaitza gogorrenetakoa da, eta hitzek ere ez dute tregoa handirik ematen. Hala ere, balada pare bat tartekatu dute (Norabide bakarreko maitasuna eta Bere hitzen faltan), erregistro guztiak menderatzen dituzten erakusle. Juanma Bajo Ulloarekin egindako bideoklipa ere diskoan batu dute.