Argia astekaria webgunearen hasiera

Lourdes Fernandez Fernandez (Donostia, 1961). Artearen Historian lizentziaduna. Madrilgo Marlborough galerian egin zuen lehenen. Gero, Donostiako DV galeriako arduradun izan zen 1994tik 2003ra. Manifesta 5 arte garaikideko europar biurtekoa zuzendu zuen. «Kritikak jaso zituen Manifestak, bai, baina horixe zen lehenetsitako helburuetako bat: eztabaida sortzea. Aldiz, nazioartean, prentsa espezializatuan, kritika onak jaso genituen». Ondoren, Vocento komunikazio taldearen ABC arte bildumaren etorkizuneko estrategia abiarazteko ardura izan zuen. Egun, ARCO azokako zuzendari berria da Madrilen, nahiz eta Donostian den astero, bertan duelarik familia. Emakume argi, lagunkoi eta atsegina begitandu zaigu Madrilgo eromenaldian. Artearen, galerien eta artisten defendatzaile sutsua. «Artistaren bizitza da artea. Ba al dakizu zer esan nahi duen artista izango zarela erabakitzeak? Egundoko konpromisoa!».