Kultura

"Autoan ezin izan da inoiz

sakelakoa ikutu,

orain, ordea, eginez gero

baietz gehiago damutu:

ustekabean agente jaunak

egiten badizu «Kuku!»

ia 100 egun karnetik gabe,

dirua ta ···

"Karnetik gabe irteten bada

seiscientosean aitona

eta ez baldin badu ikusten

garaiz kuarteleko horma:

Nola zigortu poster barrura

sartu nahi zuen gizona?

Kolpearekin aski du eta

horri, puntu eta koma".

"Etxetik irten baino lehenago

heltzen direnek Bilbora

sei puntukoan entzungo dute

trafiko-zaintzaileen moda.

Jendea ez baldin bada joaten

seinaleen erritmora,

laster auto bat hartzea baimen

puntuala izango da".

"Lehengo aitona iratzarriko

balitz viagra bitarte

eta bidean abiatuko

balitz berriro jo ta ke,

uhalik gabe, pipa erretzen,

berriro horma jo arteà

punturik eman gabe buruan,

agur, puntu ta aparte".

"Zure kontrako autoa ez duzu

argiekin itsutuko,

eta aurreko hortara ez zara

gehiago gerturatuko.

Mozkor joatea lau puntu dira,

besteak 2 ta 3, justo,

eta guztiak eginez gero

gida-baimena ta punto.