Argia astekaria webgunearen hasiera

«Historia botere handi bat da. Botere bat da zuk gauzak nola joan diren zure modura kontatu ahal izatea. Baina pentsa, Bilbo hiriaren sortze agiria han izandako azken uholdeetan galdu zen, 1983an. Ura iritsi zen mailan zegoen artxibo batean jasoa, eta han galdu zen. Washingtonen, Errepublikaren independentzia aldarrikatu zuteneko karta, Bilbokoa baino dezentez berriagoa dena, Nox forte ezagun horretan daukate, AEBetako diru eta urre guztiak gordetzen dituzten lekuan. Urtean behin edo ateratzen dute, izenpetu zuten egunaren urteurrenean, protokoloa egiten dute, eta berriz ere ganbera babestu horietara itzultzen da. Bilbokoa uholdeetan galdu zen».