Datorren larunbatean, hilaren 21ean, Ermuko Foroak Espainiaren Batasunaren aldeko manifestazioa deitu du Iruñean. Ermuko Foroak nora eta Iruñera deitu behar halakorik burutzeko? Aurrekoetan Donostian bildu izan dira, baina oraingoan euskal lurraldeetan abertzaletasunaren aurkako eskuinaren gotorleku den plazara jo dute, EAEn kontra duten haizearen bila. Bitxia izango da emaitza ikustea. Egun bat lehenago, bestalde, nafar talde batek Ermuko Foroaren ekimena arbuiatzeko deialdia egin du Iruñean bertan.