Argia astekaria webgunearen hasiera

Onintza Irureta

Ikasleek ez daukate nahi bezain besteko euskara mailarik. Eusko Jaurlaritzako Hezkuntza Sailak udaberrian aurkeztu zituen euskararen B2 maila neurtzeko DBH-4ko (derrigorrezko irakaskuntzaren amaieran ziren) ikasleei egindako azterketaren emaitzak. B eta D ereduetan ikasten duten gaztetxoen emaitzak ez dira pozik egotekoak izan, baina ezta ustekabekoak ere. A, B, D... hizkuntz ereduen letra joko horretaz harago, eskolak haur eta gazteak euskalduntzeko zein norabide hartu beharko lukeen azaltzen saiatu dira lau mahaikideak. Euskara ez da ordea, eskolan tokia duen hizkuntza bakarra. Legeak dio euskara eta gaztelania menderatu behar dituela 16 urteko gazteak. Hirugarren hizkuntza eta laugarrena ere eskoletan dira. Nola uztartu horiek guztiak? Ikasleak euskalduntzean eskolak duen betebeharraz hitz egin dute, baina eskolatik kanpoko mila faktorek, zuzen-zuzenean, euskararen ikasketan nola eragiten duen era garbi azaldu da.

© ARGIA.com

Helbidea:

Industrialdea, 15 · 20160 Lasarte-Oria (Gipuzkoa)

· Tlf:

943 371 545

/ Faxa:

943 373 403

Lege Oharra

RSS sindikazioa