artikulu nagusira itzuli
Alex Rovira, La Buena Suerte liburuaren egileetako bat: «Berrikuntza, teknologia arloan bete-betean sartu da, baina giza arloan ahaztu egin da»
La Buena Suerte liburuaren egileetakoa izateaz gain, ESADE Business School-eko Marketingeko Zuzendaritza departamenduko irakaslea da. Eskola honek enpresetan zuzendaritza lan ardurak dituzten gizon-emakumeak prestatzen ditu.
Zein laguntza mota behar dute enpresek?
Hori enpresaren araberakoa da. Batzuk ikerketa eta garapen alorrean laguntza behar dute atzean geratu direlako, beste batzuek giza baliabideetan irizpideak behar dituzte. Baina, batez ere, denek behar dutena etorkizun-sena da eta norbanakoaren gaitasuna lantzeko tresnak behar dituzte.
Teknologia berriak nahikoa sartu al dira enpresetan?
Asko hobetu da, baina asko dago egiteko. Berrikuntza teknologia arloan bete-betean sartu da, baina giza arloan ahaztu egin da.
Teknologia berriekin lanean ari diren enpresen etorkizuna nolakoa izango da?
Enpresa bakoitzak bere aukera egiten du. Aukeratzeak arrisku batzuk dakartza eta arriskurik hartzen ez duenak ez du inoiz arrakastarik lortuko, hori argi dago.
Bestetik, bitxia da ikustea nola teknologia berrietan sartuko zirenik uste ez zenuen enpresak alor horretan sartzen ikustea. Denbora asko galtzen dugu beldurragatik eta nagikeriagatik. Gure helburua ikerketa, sen ona eta ondo eta maitasunez garatzen diren ideiekin baino ez dugu lortuko.
Interneti esker, erosketa guztiak etxetik egitera helduko garela pentsatu behar al dugu?
Ez. Horrek aukera gehiago irekitzen dizkigu, besterik ez. Aldaketa asko ekarriko ditu sistema berri horrek eta haietara egokitzen ikasi beharko dugu. Teknologia berriek edukiak eta zerbitzuak eskaintzen dizkigute batez ere, baina produktua aurrez aurre ikusi, ukitu, usaindu eta sentitu nahiko dugu oraindik.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa