Argia astekaria webgunearen hasiera

Nekez balio dute kontrol tresnek, printzipioaren balio sakratuaz konbentzimendu sakonik ez badago. Baina printzipioen aldarrikapenak berau zaindu eta garatzeko tresnarik gabe ere jai du. Edozein eskubideren eraginkortasuna bermatzeko printzipio sendoak dira aipatutakoak. Herrizaingo Sailak urrats garrantzitsua eman du grabaketen erabakiarekin, bai berme tresna bat delako bai zeharka onartzen duelako beti ukatu duena: tratu txarren eremuan ez dagoela guztiz garbi. Bestela ez litzateke inongo neurririk behar. Jakina, eraginkorragoa litzateke inkomunikaziorik ez izatea, baina egungo legeak indarrean diren bitartean, Javier Balzak iragarritakoa erabaki garrantzitsutzat hartu behar da. Iragarpena indarrean nola jartzen den eta garatzen den ikusi beharko da orain, funtsean horrek erakutsiko baitu neurri eraginkorra den ala ez.