Argia astekaria webgunearen hasiera

2005eko Nafarroa Oinez jaian basurdea izango da ikusgai nonahi. Nafarroako eta oro har Euskal Herri osoko animalia basati, esanguratsu, adoretsu eta indartsua da basurdea. Jaiaren antolatzaileak bezala, etengabe, oztopo guztien gainetik lanean ari dena. Plastilinaz egin dute aurtengo logoa, "haurren hizkuntza" erabilita. Antolatzaileek adierazi digutenez, logoak berritzailea izan behar zuen, hainbat material eta egoeratara erraz moldatzeko modukoa, eta teknologia berriekin ongi irudikatzeko irudia. 25. edizioa 2005ean ospatuko da eta basurdearen betortzek 2 eta 5 zenbakiak izango dituzte agerian. Tartean sudurzuloak daude eta beraz, 2005ean 25. urteurrena ospatuko dela aldarrikatuko du basurdeak.