Hugo Chavez hiltzea CIAren helburu? (Bero-beroan)


2005eko irailaren 04an
Tituluan aipatzen dena ez da albistea oraindik, baina CIAren helburuetakoa lasai asko izan daiteke. EEBBetan bederen oso zabaldua dago asmoa eta etengabe elikatzen da. Pat Roberson telepredikatzaile ospetsuak zuzenean aipatu du Hugo Chavez Venezuelako lehendakaria hil beharko litzatekeela, eta Etxe Zuriak aho txikiarekin erantzun du ez datorrela bat iritzi horrekin. Baina etengabe elikatzen duen ideia da. EEBBetako diplomazia buruak, Condoleezza Ricek «erregimen chavistaren arriskuez» ohartarazi zuen iazko azaroan eta aurtengo urtarrilean haren gobernua «erregioko indar negatibo gisa» jotzen zuen. 2005eko otsailean EEBBetako agintari garrantzitsuek Kolonbiako FARC laguntzea leporatu zioten eta «erregio mailako mehatxutzat» hartu. Porter Goss CIAko zuzendariak, aldiz, 2005ean Venezuelan «egoera desegonkortuko» dela adierazi du. Carlos Andrés Perez Venezuelako lehendakari ohiak «Chavezek txakurrek bezala hiltzea merezi du» adierazi zuen exiliotik, «ez da nahikoa boteretik kentzea». Ezaguna eta onartua da 2002ko estatu kolpearen saioa AEBek bultzatu zutela nagusiki. 2004an, halaber, Kolonbiako 92 paramilitar atxilotu zituzten Caracasen, eta haien helburua Venezuelako armadako uniformearekin sarraski desberdinak egitea zen. Chavezek inork baino hobeto daki buru gainean duen mehatxuaz, aurtengo otsailean telebistan esandakoa lekuko: «Erailtzen banaute, George Bush AEBetako lehendakaria egiten dut horren errudun».


Kanal honetatik interesatuko zaizu: Hugo Chavez
Ze gaizki dauden gauzak Venezuelan" Utzidazu labur-labur azaltzen (6/8)
Hala eta guztiz ere, Chávezen herria badoa

Chávez bizirik zegoenean bere figurarekiko atxikimendua sekulakoa zen herri venezuelarraren sektore oso zabal batean. Chavismo hegemonikoa zen, ikuspegi soziopolitiko batetik zein emozionaletik ere. Venezuelako sektore apalen artean, baita ekonomikoki hobeto zeuden beste... [+]


2017-04-30
Manifestazioek eta istiluek ez dute etenik Venezuelako gatazka mediatizatuan

Chavismoa eta oposizioa protesta egitera irten dira Venezuelako kaleetara eta hiru hildako eta hamarnaka zauritu eta atxilotu izan dira. Oposizioak Nicolas Maduro presidenteak kargua uztea eskatu du eta Gobernuaren aldekoek, aldiz, hura defendatu eta estatu kolpe saiakera salatu... [+]


Maduroren garaipena eta Venezuelako ezkerraren etxeko lanak

Venezuelako udal hauteskundeetan Nicolas Maduroren PSUV alderdiak jaso du boto gehien, bozken %49,2. Henrique Ceprilesen MUD koalizioa ez da urruti ibili emaitzetan 700.000 boto gutxiago (%42,7) baina Venezuelako hiri garrantzitsuenetako alkatetzak eskuratu baititu.


2013-04-15 | Lide Hernando
Maduro garaile Venezuelan; oposizioak botoak berriz zenbatzeko eskatu du

Nicolás Maduro atera da garaile igandean Venezuelan egindako hauteskundeetan. Oso boto gutxigatik irabazi dio Henrique Capriles oposizioko hautagaiari: %50,6ak eman dio aldeko botoa, Caprilesen %49,1aren ondoan. Caprilesek esan du emaitzak ez dituela onartuko boto... [+]


Eguneraketa berriak daude