Argia astekaria webgunearen hasiera

Enpresak lan esku merkearen atzetik deslokalizatzen ari dira. Jean Marc Guillouren akademia ere bide bera segitzen ari dira. Boli Kostan dagoeneko laugarren belaunaldi batekin ari dira lanean, Madagaskarren ere martxan da akademia, Bangkoken berdin, eta laster izanen da Beninen. "Garapen bideetan diren herrietan formazio zentroak eraikitzea askoz merkeagoa izateaz gainera, potentziala askoz handiagoa da. Biztanleria oso gaztea da, eta izugarri motibatua". Akademiez gain herri bakoitzean klub bat sortu dute, Beverenera etorri aurretik mutikoek bertan joka dezaten. Jokalari onenak talde handi batek fitxatzean, irabazi parte txiki bat formatu duenari iristen zaio, eta ekonomikoki horri esker bizi dira akademiak. Hurrengo pausoa klub handi bat hartzea izan liteke proiektuari osotasun bat emateko.