Argia astekaria webgunearen hasiera

Hobetsiko nukeen aukeran. Izen hau errealitatetik gertuago legoke Denonerreala baino. Denon Erreala esan nahiko liokete, bainan ez dute guztiek duten lagun euskaldunekin kontsultatu nonbait. Eta hurbilena, berezkoena La Real de Todos litzateke, ororena eta ororentzat aurkezten direnaz izaten dudan konfidantza entrenatzaileen golekin parekatu baitezaket. Prestatzaileak ez dituela egiten, ez duela golik sartzen alegia. Izenak ez duela izana bermatzen, eta adinaren eskarmentua kontseilari, izana dudala ardura eta ez izena. Nahiago dudala aukeran fiesta vasca euskalduna, Hendaiako edo Irungo Euskal Jaia baino. Ez ditut Realeko kontseilari gaiak ezagutzen, bainan orain artekotan, Fuentes, Alaba, Martinez, ez dut euskaldunik ikusi. Berria, ETB -dos-ekoak eroso- eta Euskadi Irratia itzultzaile, kazetari ikasketak euskaraz egin dituztenak barne. "Relaciones públicas" atalean bai, hor euskaraz egiteko gai izango dena mantenduko dute. Eta Kontseiluaren ziurtagiria sinatuta dutenez, bula. Burla. Eta aurkarietan berdintsu, abendua, urtarrila, otsaila. Tenporak aldagai. Loturak eta Luque. Paso egin nahi nuke. Bainan orain arte bezala, taldea zelaian sofritzen ikusi eta behatzetako azkazalak jan, odoltzeraino.