Argia astekaria webgunearen hasiera

«Garai hartako erlijiotasunaren barruan bizi zen gure familia. Garai hartako herri txikietan horrela zen gehienbat. Arantzazura joan nintzen ni 12 urte nituela eta bizitzan zerbait egin badut gogoz, inork bultzatu gabe, Arantzazura joatea izan da. Gogoan dut aitari esan niola: 'Aita, fraide joan nahiko nuke'. 'Zer esaten dek motel!' Horrelako zerbait esan zidan. Urtebete egon nintzen txintik esan gabe kontu haren gainean, aitaren ustezko jarrera ikusita. Handik urtebetera, amak esan zidan: 'Eta?, zer? Esan zenuen ba, zuk, Arantzazura joan nahi zenuela...'. 'Bai, baina aitak ez du nahi eta', hori ulertu bainion aitari. Gaizki ulertua berehala konpondu zen. Eta Arantzazura joateko ateak ireki ziren...».