Argia astekaria webgunearen hasiera

Arkauten. Andoni hogei minutu oro itaundu zuten, lo egiten utzi gabe. Kokoriko ipini zuten zorua izerdiz bete arte. Orkatiletan kolpeak jaso zituen, oihu eta garrasien artean. Pareten aurka jarria, makila bat uzkitik sartzeko sasi-saiakerak egin zizkioten. Konortea galdu arte jo eta ke saiatu ziren berarekin. Hiru aldiz eraman zuten ospitalera itaunketa egin bitartean. Bosgarren egunean egia ez dena sinatu zuen, torturapean jakina.



Errepidean. Guardia zibilek Andoni lekuz aldatzera zeramaten batean, istripua izan zuten. Furgoneta itzulipurdika joan zen errepidetik at. Guardia zibil bat hila izan zen. Andoni eskuburdinez lotuta zeramaten eta kolpe izugarriak jasan zituen. Harrezkero lepokoa eraman behar izan zuen. Une hartan bertan, errepidean zeudela, gainerako guardia zibilek hil berriaren gorpuaren aurrean jarri zuten, mespretxu, irain eta mehatxu ikaragarriak jasan zituen. Gertatutakoaren errua leporatu zioten.



Ospitalean. Iazko martxoaren 11n pneumoniarekin zegoen eta ospitalera eraman zuten. Egun berean izan ziren Madrilgo atentatuak. Poliziek ospitaleko atarian bota zuten eta biktimen senideen aurrean laga. Andoni aurreko hilabetean Madrilera bidean 500 kilo lehergailurekin harrapatu zuten «etarra» zela esan zieten. Andoniren lintxamendua bilatu zuten. Geroago, hildako eta zaurituen arropa odolduak zeuden gela batean sartu zuten eta bertan akabatuko zutela esan zioten.