Argia astekaria webgunearen hasiera

Edurne Brouard 1959ko urriaren 23an jaio zen Bilbon. Bere burua erdi lekeitiartzat badu ere, beti bizi izan da Bizkaiko hiri nagusian. Teilatua erabat jantzi gabe zeuden lehen ikastoletan hasi zen ikasten, moja kolegio batean segitu zuen gero, eta UBI Txurdinagako institutuan osatu zuen. Deustuko unibertsitatean pedagogian diplomatzerako hasia zegoen AEKn irakasle lanetan. Geroztik hogei urte baino gehiago daramatza bertan, urte batean irakasle lanak, eta bestean Korrika koordinatzea tartekatuz. Beti ere, AEKren aginduetara. HBtik parlamentari izan zen 1985 eta 1987 bitartean, eta Bilboko zinegotzi aulki bat ere berea zuen lanagatik utzi ez balu. GALek Santi Brouard, aita hil zion 1984an.