Argia astekaria webgunearen hasiera

1960ko urriaren 18an sortu zen Baionan. Nahiz eta kontabilitate ikasketak egin, ttipi-ttipitik dantzaren munduan sartu eta oraino ez da atera. Hamaika taldetan eman ditu bere urratsak: Batzalai Baionako taldean, Balichoneko Aurrera-n, Orai Bat-en, Begiraleak-en, Suizan ere ibilia da Nomades-Le Loft Vevey konpainian, Juan Antonio Urbeltzen Argia-n..., orain Miarritzeko Maritzuli konpainiako irakasle eta koreografoa da. Elkanoen Semeak (1995), Ixtorio Mixtorio (1996, Maritzuliren sortzea), Euskal Herriko Izarrak (1998), eta bertze andana bat koreografia egin ondotik Kutx ala Pil... ikusgarria prestatzen ari da 2006ko irailerako. Jantzien alorrean ere aditua da, eta Kukai taldearen Ote(h)itzari biraka emanaldian jantziez arduratu da. Baionan, Aturri ertzean bizi da.