Argia astekaria webgunearen hasiera

Nafarroaren Garapenerako Sozietatea, SODENA, Nafarroako Gobernuak komunitate foral horren garapen enpresarialerako duen instrumentu nagusia da. SODENA sozietate anonimoa da eta partaidetza handiena Nafarroako Gobernuak du, zuzenean %65,42rekin eta zeharka %14,58rekin, Nafincoren bitartez. Akziodunen artean, orobat du partaidetza Grupo Corporativo Empresarial Caja Navarra taldeak (%20), TME 2001 CorpCan, S.L. enpresaren bitartez. SODENAren egitekoa Nafarroaren garapen orekatu eta iraunkorrean lagunduko duten enpresa-proiektuetan modu aktiboan eta nabarmen parte hartzea da, fase guztietan. Proiektu horiei heltzeko duen tresna finantzario nagusia arrisku-kapitala da, eta horretan dihardu 1984an eratu zenez geroztik. Sozietate horren interbentzio arlo nagusiak honako hauek dira:
Zerbitzuetako sektorean, aisia eta turismoarekin, logistikarekin, telekomunikazioekin, informatikarekin, teknologia berriekin, energia berriztagarriekin, ingurumenarekin eta bioteknologiarekin erlazionaturiko enpresak.
Lehendik dagoen industriako sektorean, egungo sektoreak eta enpresak konplementatzea, bai halaber egungo proiektu industrialen hazkundea sustatzea eta bultzatzea; eta enpresa mistoak eta enpresen arteko akordioak sustatzea.