Katixa Garate / Izaskun Jauregi
Denok ezagutzen dugu gaitz mentalen bat duen edo izan duen norbait; familiar bat, lagun bat, ezagun bat, gu geu... Ez dakigu gaitzok ugaritu diren edo ez, baina bistan da geroz eta presentzia handiagoa dutela kalean eta komunikabideetan. Mahaian bildu ditugun kideak ez dira ados jartzen: urteroko gaixo berrien kopurua mantendu egiten da batzuen ustez eta kasu gehiago dagoela diote besteek eta bizi garen gizarte honek horretara bultzatzen gaituela. Argi dago, denboraren kontra bizi garela, bakoitzak bereari begiratzen diola geroz eta gehiago eta horrek ez dio gure osasunari laguntzen. Patxada gehiago behar dugu bizitzeko, bidea egiteak garrantzia handiagoa izan beharko luke helmugara iristeak baino, gure osasunaren onerako. Erraza da esatea, lortzea ez ordea. Psikologia eta psikiatria adituengana jo dugu aholku eske.
guztia irakurri
Lege Oharra
RSS sindikazioa