Etxeberria anaiak: ĞDesilusio guztien gainetik aurrera jarraitu beharra dagoğ
Pilar Iparragirre
Nola idazten da nobela bat biren artean?
Elkartu eta egin nahi duzuena adostuz: istorioaren muina, mezua, argumentua. Gero, osagaiak ondo aukeratu: garaia, pertsonaiak, lekuak... Guzti horrekin eskema bat egin, kapitulutan banatu eta ondoren eskemari jarraiki txandaka bakoitzak kapitulu bat idatzi. Bakoitzak idatzitakoa besteak irakurri behar du eta zuzendu, hari bakoitzeko kapitulu guztiek tonu bera izan dezaten. Horrela bi urte-edo mantendu, eta hor duzu biren artean idatzitako nobela. Guk gustura irakurriko genukeen liburu bat egiten saiatu gara. Abentura eta hausnarketa dosi egokian nahasteko ahalegina egin dugu. Lortu dugun, irakurleak esan behar.
Nobelak bi hari ditu. Eta haietako batean anai bikiak dira protagonista. Zuen alter egoak al dira?
Bai. Bakoitzaren zenbait ezaugarri exageratuz sortutako pertsonaiak dira, gu direnak gu izan gabe. Liburu bat idatzi nahi dute eta informazio bila Parisera doaz. Hara bidean Toulousetik pasa behar dute lagun bat jasotzera, eta ibilbide horretan gauzak ustekabean okertuko zaizkie.
Bi gazte mota, bi garai ezberdinetan. Zerk batzen ditu?
Dezepzioak. Nobelako protagonistek, bai hari batean zein bestean, idealizatuta dauzkate pertsona, mugimendu edo oroitzapen jakin batzuk, baina gertaera batzuen ostean, usteak esaerak dioen moduan suertatuko zaizkie: erdia hutsa eta bestea putza. Dena den, desilusio guztien gainetik aurrera jarraitu beharra helarazi nahi izan dugu nobela honen bitartez. 68an zioten moduan: izan gaitez errealistak, eska dezagun ezinezkoa dena.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa