Erevan (Armenian) sortu zen, 1954ko martxoaren 12an. Filologia Zientzietan doktorea da. Erevan, Estatuko Unibertsitatean, irakaslea da, bai eta Filologia Erromaniko Katedraren zuzendaria ere. Armeniera-euskara Estudioen Saileko sortzaile eta irakaslea da Sarkisian eta Araxes izeneko Armeniera-euskara nazioarteko aldizkariaren sortzaile eta zuzendaria. International Linguistic Academy elkargoko zuzendaria da eta Asociación Internacional de Hispanistas delakoaren kidea. 1999an, Espainiako Gobernuaren bekadun izendatu zuten. Euskara ikasi du, baina ez du mintzatzen. Euskal Herriaren eta Armeniarren arteko lotura kultural eta linguistikoak aztertzearen eta sakontzearen aldeko da. Euskal kulturaz klaseak ematen ditu aspalditik Unibertsitatean eta, azken bi urteotan, euskara ikastaroak ere bai. Fontes Linguae Vasconum aldizkarian maiz idazten du. Horrezaz gain, hogeita hamar bat artikulu argitaratu ditu Armenian, Errusian, Argentinan eta Frantzian.

Lodz-en (Polonia) jaio zen, 1926an. 1947tik 1951 arte Filologia Klasikoa ikasi zuen eta, amaitu orduko, beka bat jaso zuen kaukasiar hizkuntzalaritzan espezialitatea egiteko. Lau urtez, georgiar Filologia ikasten jardun zuen Tbilisiko Unibertsitatean eta bere lehen tesia aurkeztu zuen: Georgiar aditzaren pertsona-aniztasuna. 1995ean Varsoviako Unibertsitateko Ekialdeko Ikasketen Institutuan hasi zen lanean, georgiera zahar eta modernoaren irakasle. 1976an Tbilisiko Unibertsitatera eginiko bisitan, euskara ikastaro bat egin zuen eta ondorioz Euskal hizkuntzarako sarrera liburua argitaratu zuen, georgieraz. Ikastaldi horren haritik georgiar unibertsitateko talde bat euskara ikertzen hasi zen, Natela Sturua eta Salome Galbunia egun euskaltzain urgazle direnak tartean. Varsoviako Iberistika Katedran azken 25 urteotan oinarrizko euskara ikastaroak eman izan ditu. Bigarren tesia 1991n aurkeztu zuen, Euskaro-Kaukasikoa. Hainbat artikulu argitaratu du, euskara-georgiera hizkuntzen arteko ustezko loturei buruz. Bere ikasle izandako batek, Magdalena Czajkowzka-Vasquez-ek, Nevadako Reno Unibertsitateko beka bat jaso du euskal mitologiaren alorrean doktorego-tesia prestatzeko. Gaur egun, Varsoviako Unibertsitatean ari da, linguistika eskolak ematen. Euskaltzaindiak 2000ko urriaren 27an izendatu zuen euskaltzain ohorezko.

Euskaltzaindiak 1992ko otsailaren 1ean izendatu zuen ohorezko euskaltzain errusiarra (San Petersburgo). Honako lan hauek egin ditu: Sobre los nombres vascos de la leche (reconstrucciones), Correspondencia Zytsar / Michelena, Sobre el origen del Analitismo en la lengua vasca...

Renon jaio zen, 1939ko abenduaren 4an eta AEBetako mendebaldean bizi da. Nevadan, Renoko Unibertsitatean eta Madrilen ikasi zuen (Literatura Espainola). Madrilen zaletu zen antropologiarekin. Jon Bilbaorekin elkarlanean, Amerikanuak. Basques in the New World argitaratu zuen 1975ean, Mundu Berriko euskaldunen gaineko oinarrizko lana. 1999ko Gabon Zahar egunean erretiratu egin zen, 33 urteren buruan. Reno-Nevada Unibertsitateko Basque Studies Program-eko koordinatzaile da 1967tik. Geroztik, Antropologia irakasle ari da bertan. Antropologian doktore, 1967an irakurri zuen tesia. 1963an etorri zen Euskal Herrira, doktorego-tesirako lekuko lana egiten ari zela eta, Etxalarren eta Aulestin ibili zen lanean. Bi urtez izan zen eta gero Chicagora itzuli behar izan zuen, lizentziatura-tesia idazteko. Baina beste 3-4 urtean bueltatzen zen, noizean behin: udan-eta. Jon Bilbaorekin garatu zuen euskal biblioteka, Renokoa.