Argia astekaria webgunearen hasiera

Areto antzerkirako baino dirulaguntza urriagoak jasotzen dituzte gehienetan kaleko antzerki sortzaileek. Nafarroako Gobernuaren kasua aipatu digu TEN-Pinpilinpauxako zuzendariak: "Egoera prekarioan bizi gara oraindik ere. Gobernuaren laguntzak makalak dira guztiz eta programazioak zuhurrak benetan. Taldeek esfortzu ikaragarria egin dugu eta administrazioak ez du ezer egin. Bide izugarria dago oraindik egiteko". Gaitzerdiko zuzendariak ere diru-laguntzen urritasuna salatzen du: "Kale antzerkiak beti arazo gehiago ditu laguntzak lortzeko. Oraindik hasi-masietan gaude. Dena den, bestelako babesa ere beharko luke, teknikoki eta teorikoki hutsune handiak baitaude. Kale antzerkiak bere markoa eraiki behar du".