artikulu nagusira itzuli
Mikel Astorkiza (Euskalteleko Negozio Garapeneko zuzendaria): «Bezeroak gero eta kalitate hobea eskatuko du»
Nola finantzatzen dira produktuak telebistan eta Interneten?
Edukien produkzioak bere kostua du eta berau publizitate bidez edo bezeroek edukiengatik ordainduz finantzatu daiteke. Interneten, hasieran, publizitate bidezko finantziazioaren eredua zen nagusi. Gaur egun, edukiengatik ordaintzera behartzen duen eredu batera pasatzeko saiakera egiten ari dira, zenbait edukira sarbidea libre utziz. Hasieratik, telebistan bi eredu ari dira elkarbizitzen: eduki orokorreko doako telebista, publikoa zein pribatua eta ordaintzen den telebista, eduki esklusiboak eta tematikoak dituena.
Telebista digitala ordaindu egin beharko al litzateke? Zer iruditzen zaizu Ingalaterran martxan jarritako Freeview ekimena, hau da, doako Lurreko Telebista Digitala? Horrelako ekimenek ez al dituzte telebista digitala eskaintzen duten kable eta satelite bidezko enpresak kaltetuko?
Teknologia digitalak, besteak beste, kalitate handiagoa duten kanal gehiago jartzea ahalbidetzen du. Norbaitek Freeview eredua kopiatu nahi badu, publizitate-inbertsioa gaur egun horretatik bizi diren gainontzeko kateekin partekatu beharko du. Hau da, ETBrekin, TVErekin, Tele 5rekin, Antena 3ekin eta abar. Eta erabiltzaileari egingo zaion eskaintzak izaera orokorra izan behar du. Kableak eta sateliteak kanal tematikoen eskaintzarekin jarraituko dute eta horiek euren publikoa izango dute.
Zer etorkizun aurreikusten diozu telebista digitalari?
Telebista bezeroentzako elementu erakargarri bat izaten jarraitzea eta aisialdirako aukeren artean bere lidergoa manten dezala espero dugu. Era berean, bezeroek gero eta kalitate handiagoko produktua eskatuko dutela sinetsita gaude.
Erantzunak
Erantzunik ez dago.
Izartxoaz (*) markaturiko datuak derrigorrez bete beharrekoak dira.
Lege Oharra
RSS sindikazioa