Argia astekaria webgunearen hasiera

Zenbait artistak nahiago izaten du lau hormen artetik ihesi, beraien lanak kalera ateratzea. Manifestan ere badago horrelakorik. Jeremy Deller izan zen kaleratzen lehena, inaugurazio egunerako prestatutako desfile jendetsuarekin. Baina badira beste zenbait ere. Patrick Tuttofuocok esaterako, hogei bizikleta apaindu ditu, jendeak hirian zehar erabil ditzan. Leopold Kessler alemaniarrak ere, kalea hartu du erakusleku gisa, Urgullen eta Bilbo plazako iturrian egindako ekintzen bitartez. Azkenik, Huseyin Alptekin turkiarrak, Trintxerpeko pasabide batean edozein lekutan egon zitezkeen hotelen izenak ipini zituen argizko seinaleetan. Zoritxarrez, azken hauek ez zuten luzaroan iraun osorik, eta beraz, izan zirenaren hondakinak baino ezin izango ditugu ikusi.