Argia astekaria webgunearen hasiera

Javier Balza Herrizaingo Sailaren ustez ETArekin amaitzeko klabeak polizia eta justizia dira, elkarrizketa batean adierazi berri duen arabera. Lehenago ere esana du ETArekin ez dagoela ezer hitz egiterik eta polizi bidean dagoela ETArekiko amaieraren giltzarria. Bere alderdiko askok, aldiz, ETArekiko elkarrizketa defenditzen du, eta EAJk, oro har, gogor defenditu izan zuen Carod Rovirak ETArekin hitz egin izana.

Giza Eskubideak, tortura eta espetxe politikari buruzko oinarrizko akordio bat proposatu die Elkarrik alderdi politikoei. Lau punturen inguruan egituratu beharko litzateke akordioa: presoek eta beren familiarrek ez dute gain zigorrik izan behar eta presoak bere bizilekutik ahalik eta gertuen bete beharko luke zigorra; atxiloketa eta espetxe garaian ez egotea kontrol judizialik gabeko esparrurik; giza eskubideei buruz, nazioarteko erakundeek aholkatzen dutena betetzea