Argia astekaria webgunearen hasiera

Enpresaburu askok beren proiektuetarako sostengu ekonomikoa aurkitzeko duten aukera bakarra da, batez ere krisialdietan, horrelakoetan nabarmen murrizten baita kredituen kontzesioa. Era horretako sozietateak enpresa txiki eta ertainentzako soluzio gisa sortu ziren, finantzazioa eta kredituak lortzeko aukera izan zezaten; bereziki, epe luzerakoak, gauzatzeko moduko proiektuak martxan jartzeko bidea emango zietenak. 1994az geroztik, sozietate horiek entitate finantzario gisa kontsideratuak daude, eta Espainiako Bankuaren kontrolari eta ikuskapenari lotuak. Baina haien egiteko bakarra, banku eta kutxena ez bezala, finantzatzeko beharra duten enpresaburuei gauzatzeko moduko proiektuak abalatzea da, bermerik ez badute ere. Elkarren bermerako sozietate baten abala erdiesteko, enpresa txiki eta ertainek bazkide partaide bihurtu beharra daukate. Operazioaren arriskua ebaluatzeko behar den dokumentazioa aurkeztu behar dute. Sozietateak eskaintzen duen bermearen ordainetan, bazkide partaideak kapital-kuota bat jarri behar du, bazkide-izaera lortzeko, eta abalaren urteko komisio bat, emandako kredituaren portzentajean. 2003. urtean, Espainiako Estatu osoan, 10.000 milioi euro inguruko abalak eman ziren.