Argia astekaria webgunearen hasiera

Laura Mintegik honakoa zioen Garan: «Euskal PEN Kluba berpizteko erabakia hartu baldin badugu, batez ere guk geuk beharra sentitu dugulako izan da. Egunkariaren itxiera, gure musikariek pairatzen duten zentsura... oso eremu latzean mugitzen ari gara, eta kanporako leihoak zabaldu behar ditugula sentitu dugu».

Juan Mari Beltranen hitzak Berrian: «Orain pentsatzen ari naiz betiko eskola itxien ordez interesgarria zatekeela eskola irekiaren formula. Hau da, ikasle batek aukera izatea irakasle ezberdinengana joateko, batetik bestera».

Jaione Apalategik adierazitakoak Berrian: «Egun, patronatuko zortzi kideon artean bi motatako kezkak nabarmentzen direla esan daiteke: alde batetik, Oteizaren izena osotasunik gabeko izanarekin erabili nahi duten lau kideen ikuspegia, eta bestetik, Jorge Oteizaren izena eta izana bat-egitearen kezka eta ardura gure gain hartu dugun beste lau kideon ikuspegia».

Unai Elorriaga El Culturalen: «Kritikari onenak idazleak dira, lanbidea barnetik ezagutzen baitute. Eurak dira kritika baliagarri eta konstruktiboa egin dezaketen bakarrak».