Argia astekaria webgunearen hasiera

Ez inon, ez inoiz, inongo kaosik ez dela aipatu didate etxera etorritako predikadore batzuek. Jaungoikoren bat badenaren egoskorrean, inguruan genuen paisaiari erreparatzen zioten, natura dela pake osoa, ahalguztidunaren baten esku hartzerik gabe ezin omen liteke horrelako perfekziorik eta gizakiak suntsitu besterik ez omen du egiten... Fotosintesiaren miraria zioten... eta hura nirea! Etxe gaineko haritza hostoz ari den neurrian behintzat jantzi nituen klorofilaren "mirakuluaz"; jaungoikoaren behar merkea gizakiok dugula, eta gure aurretik majina bat urtetan fotosintesia hor gertatu dela...
Nik egoskorrago, kaosa dela benetako bizitzaren motorra, bat hil besteak bizitzeko, hori dela benetako aurrera egitea eta errematerako, erlijioak direla gizakia urgaineko bitsetara harrotu eta ez natura soilik, baizik eta sektako pentsamendua ez duten Homo generoko besteak suntsiarazten dutenak. Aztarrika alde egin zuten, pakea besapean, kaleko borrokara...
Pakeak asko balio duela diote askok eta ondokoa zanpa, errukirik gabe txiki! Naturala da, eguneroko ogiaren orrantza.
Oraintxe da, bada, inoiz bada kaosaren sasoia: inausketak, txertaketak, ereintzak, lur-lanak, belarrak, loraldiak, hosto-jazteak... ordena osoaren kaosa. Natura joriaren emana, denborale bikaina, denbora betearen gisako ikuskizunaren klimaxa martxan da lurrean. Urteko desoreka gorenena, landarezaleak eta landareak gerorako deman. Bakoitzak bere dema. Pakeak ez du ez ederra izan behar... naturala ez behintzat...

Polen edo lore-hautsari alergikoak direnei ûeta ez dira hain gutxi, biztanleriaren % 8-12 bitartean gaitz horrek jota baitagoû ez zaie batere gustatzen udaberria. Zergatik ote da? Urte-sasoiaren aldaketak, pertsona ia gehienentzat gauza pozgarria dena ûegunak luzatzen direlako, eta tenperaturak igotzen direlakoû, beraientzat hainbat sintoma eta molestia ekartzen dituelako: arnas arazoak, azkurak, erresuminak eta beste hainbat ezinegon.
Polenari alergia esaten zaion hori adoleszentzian agertzen da normalean, eta bizitza osoan mantentzen da. Basurtuko Ospitaleko Alergia Unitatea zuzentzen duen Ignacio Antepara alergologoak dioen bezala, gaitz hori jasaten dutenek errinitisak (sudurreko jarioak eta kongestioak), konjuntibitisa (begi gorrituak, malko-jarioa) eta asma (arnasterakoan zailtasunak eta txistu-hotsak) izaten dituzte, landareen polinizazioa ûedo lore-hautseztapena, gora gu eta gutarrak!û gertatzen den bitartean.
Eta zerk eragiten du polinizazioa? Urtean zehar pilatu diren euri-urak. "Eguraldi ona, tenperatura onak (altuak) eta udaberri lehorra eginez gero, alergia gehiago agertzen dira", dio Antepara doktoreak. Alergiari lotutako arazo nagusia errinitis alergikoa da ûhiritarren % 15-20k eduki ohi duû. Eta gaitz hau larria izan ez arren, errinitisak erabat aldrebesten du pertsonaren bizimodua ûeskolako errendimendua bezala, baita laneko produktibitatea ereû. Gaur egun bost pertsonatik batek alergia-arazoak ditu ûpolenaz gain, beste hainbat alergenok eraginakû eta gaitz horiek gora egingo dutela esan daiteke datozen urteotan, poluzioa eta bestelako kutsatzaileak direla medio. Bestalde, gaitz horien kontrako medikazioa ez da batere zehatza, eta horrexegatik alergia arinek jota ibili ohi direnek ez dute, normalean, medikazio edo botika espezifikorik hartzen, nahiago izaten baitute beren sintomak bere kasa desagertzea. Eta hori, kasu askotan, ez da beraiek uste bezain azkar gertatzen.