Argia astekaria webgunearen hasiera

Julen Gabiriak Han goitik itsasoa ikusten da plazaratu du Elkar argitaletxearekin. Igartza literatura sorkuntza beka jaso du Gabiriak lan honekin. 2000 urtean ere beka hau eskuratu zuen Connemara gure bihotzetan lanarekin.

Mairu antzerki taldeak jasoko du aurten bigarrengoz Bortzirietako Euskara Mankomunitateak emango duen Kafe antzerkirako beka. Erregea, soldadua eta bufoia aurkeztuko du taldeak irailetik aitzina Bera eta Etxalarren.

Patxo Telleria eta Aitor Mazok TVEko Version Española saioaren gidoi lehiaketan aurkeztutako gidoia sei finalisten artean da. Ekainean jakingo dute gidoia pantailetara eramateko aukera izango duten.

Bad F-line taldeak bosgarren diskoa kaleratu du. Oihukak argitaratutako diskoan 15 kantu bildu dituzte, horietako bat Ramstein taldearen abesti baten bertsioa da.

Fito Rodriguezek Konkordia bila narrazioa sareratu du arte eta kultura kolektiboaren web orrian (www.fundacionrdz.com/galder/). Irudi eta testuz osatutako lana da.