Argia astekaria webgunearen hasiera

Zarauzko Arkamurka Natur Taldeak, Gipuzkoako Foru Aldundiak eta Zarauzko Udalak Ecologia Litoral enpresa kantabriarraren laguntzaz, hil honen 13an jarri zuten abian dunak indartzeko plan berria. Dunaren higadura murriztu eta bere eremua zabaltzeko helburuarekin, 60.000 landare landatuko dituzte eta baita hondar kaptadoreak jarri ere. Batez ere, zain luzeak dituen eta hondarra heltzen duen Hareondoko deituriko Ammophyla Arenaria landarea landatuko dute, eta jendeak zapalduz eginiko bidezidorretan, adar txikiz eta txilarrez eginiko egiturak jarriko dituzte. Asmoa duna osasuntsuagoa eta handiagoa egitea da.