Argia astekaria webgunearen hasiera

Nafarroako Carcarren jaio zen 1954an eta Leitzako Institutuan gaztelera eta munduko literatura irakasten ditu. Euskara Kultur Elkargoko lehendakaria da. Eusko Jaurlaritzako Euskararen Aholku Batzordeko kide ere bai. Nafarroako Gobernuko Hizkuntz Politikako zerbitzuburu ere izan zen. Gaur egun Nafarroa Bai koalizioko senaturako zerrendaburu da. Nikaraguan, 23 urterekin FSLNrekin frontean aritu zenean, «Gaspar komandantea» zen.

Iruñean jaio zen 1958an eta han bizi da gaur egun. Biologia ikasketak egin zituen EHUn eta gaur egun itzultzaile lanetan ari da Nafarroako Unibertsitate Publikoan. Literatura eta saiakeraren eremuko hainbat liburu idatzi ditu, horietako azkena iaz argitaratua: Hodei berdeak. Bertan, besteak beste, frankismo garaiko Iruñeko abertzaletasunaren erradiografia zehatza egiten du. Hainbat komunikabidetan kolaborazio lanak ere egiten ditu.

Tafallan jaio zen 1966an eta bertan bizi da. Herri Batasuneko Mahai Nazionaleko kide eta bozeramale izan zen urte luzez. Nafarroako Parlamentuko legebiltzarkide ere bai. Gaur egun historia gaietan murgildurik dabil. Nafarroako konkistaren gaia nola jorratu den aztertuz, 2002an La vieja herida liburua argitaratu zuen Txalaparta argitaletxearekin. Franco hil ondorengo trantsizioari buruzko beste liburu bat idazten ari da.

Iruñean jaio zen duela 40 urte eta bertan bizi da. Soziologia ikasketak egin ondoren, soziologia eta garapenari loturiko enpresa batean aritu zen lanean. Lurraldea mugimenduan ere jardun zuen sei urtez. Elkarriren sortzaileetakoa izan zen eta hamar urte egin ditu bertan, azken urte luzetan koordinatzaile nagusi gisa. Gaur egun euskal kulturari lotutako Nafarroako fundazio batean ari da kudeatzaile lanetan.